I was busy clogging Faramin's commenting system a few hours ago, and the discussion reminded me of something I had written in March 2003 (I have it entered date-wise in my byaz). This, I think, was a while before the actual full scale attack on Iraq had commenced.

With due apologies to the non-Urdu visitors to the blog, I copy it below:

Tumharey sawal paicheeda hai'n Yawar,
Jawab ki ummeed chod do to acha hai,
Jin aainoo'n ka sach,
Tumharey chehrey ko maskh kar de,
- Tun un aainoo'n ko tod do to acha hai!

Ab sach ki bali chadh ke,
Tum kia kar guzro ge?
Ab kisi jhoot ka pardah faash bhi karo,
Kisi ghasib ka daaman chaak bhi karo,
To khoonei'n galiyun ka jo tum pe qarz hai...
Tum woh qarz kia ada kar guzro ge?
- Ab tum yeh baate'n chod do to acha hai!

Jab aandhiyu'n ke jhakkad chalney lagey the'y,
Jab tez hawa ke,
Kaandhun pe sawaar,
Kaali rait ke anbar,
Tumharey shehar kee faseelo'n ko dhaaney lagey the'y,
To tum ghar ke darwazu'n pe quful daaley,
Khud farebi main ghalta'n baithey the'y,
- Ab tum kaf-e-afsos na'n malo to acha hai!

Jo bach gaya hai samaa'n samaet lo,
Baandho rakht-e-safar, bistar lapaet lo,
Dar-o-deewar sada detey hee rahei'n gay,
Yaad aien gay gali koochey, rote'y bhi rahein gay,
Tum aankhun main dard bhar aasma'n taktey ho,
- Ab sharmsaar nazren phair lo to acha hai!

Jo gurdan uthi hee nahin,
Woh cut bhi gayee to ghum kaisa?
Jo himmat bandhee hee nahin,
Wo chhut bhi gayee to ghum kaisa?
Tum ne khudi ko khud maar giraya tha,
- Ab Sarhaney bain nan karo to acha hai!

Merey jawab kadwe'y bohat hai'n Yawar,
Tum sawal na'n karo to acha hai!